Цонхонд тавигдах шаардлага ба угсралтын технологи

Цонх бол барилга байгууламжийн гол элементийн нэг бөгөөд чанартай цонх сонгож, зөв суурилуулахгүй бол барилгын хашлага бүтээцийн элементүүдээс дулааныг хамгийн ихээр алддаг. Манай улсад сүүлийн жилүүдэд батлагдан мөрдөж буй барилгын цонхны 5 нэр төрлийн үндэсний стандарт байна. Дээрх стандартын шаардлага хангасан материал болон технологийн алдаа зөрчилгүй хийгдсэн цонх дулаан алдагдал багатай чанартай болно. Хэрэглэгчид нэг талаас материалын чанар болоод технологийн талаар мэдээлэл муутайгаас нөгөө талаас үнийн хямдыг харж сонголт хийж байгаа нь дөн өвлийн хүйтнээр тав тухгүй амьдарч, дараа зун дахин үргүй зардал гаргаж цонх хаалгаа солиулдаг асуудал түгээмэл байна. Барилгын цонхны чанарт нөлөөлдөг хамгийн чухал хүчин зүйл нь чанар стандартын шаардлага хангасан материал, технологи, зөв суулгалт байдаг. Олон нийт, орон сууцны барилгын цонхонд хэрэглэж буй үндсэн болон туслах материл нь MNS болон  ISO олон улсын чанар стандартын шаардлага хангасан байна.

Зураг-1, Цонхны жаазны хэсэглэл, Өргөн нь 70 см-ээс багагүй, цонхны камерийн тоо  5, төмөр зүрхэвчтэй хийсэн байдал.

Хэлбэржүүлсэн цувимал эдлэхүүн /хуванцар бэлдэц/ нь ISO олон улсын болон үйлдвэрлэгч улсын стандартын чанарын шаардлага хангасан ус, чийг, салхины эдлэлийг даах чадвартай, галд тэсвэртэй, цаг уурын нөхцлөөс шалтгаалан физик химийн шинж чанараа алдахгүй байх ёстой ба гарал үүслийн гэрчилгээ, чанарын сертификат, албан ёсны үйлдвэрлэгчийн хаяг, шошготой, цонхны жааз нь 70мм-ээс дээш өргөнтэй, 4-с дээш тасалгаатай байна.

Жийрэг резин: Резин нь -50 градус-д хөлдөхгүй, цаг уурын халуун8 хүйтний өөрчлөлтийг даах чадвартай, эсэлдэж хагарч хугардаггүй, хөлддөггүй, байгаль орчинд сөрөг нөлөөгүй, зөөлөн EPDM резин нь стандартын нөхцөлийг хангана.

Резинийг суулгахдаа тасралтгүй үргэлжлүүлж шулуун хэсэг дээр нааж өгөх нь технологийн зөв шийдэл юм. Гэвч булан хэсгүүд дээр овойлт үүссэн байх юм бол түүгээр салхи хэврэх нөхцлийг бүрдүүлж өгч байгаа учир түүнийг анхаарах нь чухал.

Шил: Шил нь аль болох олон давхар байх нь тохиромжтой. Орон сууцны барилгад 3 давхар шилтэй цонх хэрэглэх ёстой бөгөөд ингэснээр цонх алдах дулаан эрс багасдаг.

 

1. Цонхны угсралтын технологи

Материал болон цонхтой ажиллахдаа дараах зүйлийг анхаарах хэрэгтэй. Үүнд:

-Нээгддэг цонхнуудыг суулгахас өмнө сайтар түгжсэн эсэх, шалгах

-Үйлдвэрлэгчийн гарын авлага, ажиллагааны заавартай сайн танилцах

-Наалдамхай гадаргууг шороо тоос, чийг, нарны шууд гэрэл тусахаас болон хоорондоо наалдахаас нь сэргийлэх.

-Босоогоор ачих хэрэгтэй тул хавтгайгаар ачих болон шалан дээгүүр чирэхээс зайлсхийх хэрэгтэй.

- Холбоосууд, өнцөг, хүрээн дээр даралт учруулахгүй байх

- Хуурай, агааржуулалт сайтай газар босоо, байрлуулах

- Хадгалах явцад нарны гэрэл тусахаас шууд зайлсхийх

 

2. Хөдөлмөр хамгаалал

-Хагарсан, цуурсан шил ноцтой гэмтэл учруулах тул болгоомжтой байх,

-Хамгаалах хувцас өмсөх ( Хамгаалалтын шил, бээлий, чихний бөглөөс гэх мэт)

-Гар болон цахилгаан  багаж хэрэгслийг зааврийн дагуу ажиллуулах,

Ажил эхлэхийн өмнө дараах зүйлүүдийг магадлан шалгаж үзнэ.

-Хүрээ, шилэн багцын хэмжээ, хэлбэр, загвар, чанар, зөв болон шил нь ховилдоо таарсан эсэх

-Хүрээ, шилийг цэвэр, хуурай, нөхцөлд хадгалсан эсэх,

-Шиллэгээний материал, туслах эд ангиудын чанар төрөл зөв эсэх  

-Хүрээний хэлбэр дөрвөлжин, гажилт ороогүй эсэх,

-Хүрээний ховилыг зөв гаргаж, бусад бүх шилэн материалууд ховилд зөв суусан эсэх

-Туслах материалууд болон ажлын байр цэвэр байгаа эсэх

 

3. Цонх суулгахад шаардагдах багаж хэрэгсэл

Баглагч, хасуур, бээлий, цохилттой дриль нүдний шил, хадаасны лоом, шрүпний толгой далдлагч, метр, цүүц, тэгш ус гэх мэт.

4.Бэлтгэл ажил

Шинээр суулгахад:

Цонхны нээлхийг сайтар цэвэрлэж, аливаа садаа болох зүйлёийг холдуулах хэрэгтэй. Ингэснээр цонхны тавцанг суурилуулах боломжтой болно. Цонхыг талбайд авч ирэхийн өмнө байшингийн доторхи цонх суулгах хэсгийг бэлдэх шаардлагатай. Үүний тулд урьдчилан гаргасан нээлхийд цонх тогтоох тусгай хүрээ мод, туслах хүрээ зэрэг материалыг эхлэн суурилуулж цонхыг чанартай суулгах нөхцлийг хангана. Барилга руу оруулах болон ялангуяа цонх суурилуулах газрын нөхцлийг сайтар шалгах хэрэгтэй. Үүний дараа цонх тус бүрийг бэхлэх хэрэгтэй. Хүрээний гадна хүрээ буюу периметрийг тойруулан ижил зайтаагаар тогтоосон хавчаар, бариул зэргийг ашиглан цонхыг найдвартай бэхэлбэл зохино.

 

Цонх солиход:

Хуучин цонхыг хөшүүргэн цүүц, алх ашиглан авна. Хүрээг амархан авах зориулалттай тусгай хөшүүргэн хэрэгслүүд байдаг бөгөөд эдгээрийг ашиглаж цонх суурилуулагч хүний ажлаас хөнгөвчлөхийг зөвлөж байна. Монголын нөхцөлд хуучин цонхыг авсны дараа өрлөгөн хана, нээлхийн хооронд зай завсар үүсдэг. Энэ зай завсрыг дулаалгын материалаар чигжиж, шаардлагатай тохиолдолд барилгын зуурмагаар дүүргэх хэрэгтэй. Тухайн хананы байдлаас шалтгаалж, хэрэгтэй үед нээлхий гаргахын тулд амалгаа ашиглах нь илүү оновчтой.  

 

Хэмжилт хийх :

Нээлхий ба цонхоо хэмжих хэрэгтэй. Мөн цонх суух нээлхийн гадаргуу тэгш эсэхийг шалгаж шаардлагатай тохиолдолд тэгшлэх арга хэмжээ авна.

 

5. Цонхны хэмжээсийн хүлцэх алдаа:

 

Материал

Өргөн

Өндөр

Диагональ

Мод

+-2

+-2

3,5 эсвэл 10+

Ган

+-1,5

+-1,5

4

Хөнгөн цагаан

+-1,5

+-1,5

4

Хуванцар

+-3

+-3

4

 

6. Нээлхийд хэмжилт хийж тэгш эсэхийг шалгах байдал:

 


 

7. Цонхны угсралт:

Суулгалтын хүрээ хийх

Хуучны угсармал барилгуудад цонх суулгах хүрээг хийж өгсөн байдаг ч шинээр баригдаж буй барилгуудад цонх суулгах амалгаа хүрээ хийдэггүйгээс шалтгаалж зориулалтын хүрээ хийдэг болсон. Үүнийг нээлхийн дээд ба хажуу хэсгүүдэд бэхэлж өгдөг.

Цонхны нээлхий хэсгийг хэмжиж суулгалтын хүрээг тайрсны дараа түүнд жийргэвчийг нааж өгөх ба энэ жийрэг нь салхи болон ус чийгнээс хамгаалах үүрэгтэй. Цонхыг жийрэгээ хагас агшаасан байдлаа шахаж

суулгана.

 

 

Жийрэг наасан суулгалтын хүрээг үндсэн хананд эрэгт хадаас ашиглан бэхэлж өгсны дараа цонх суулгана.

 


 

 

8. Ус чийгнээс хамгаалах тууз наах :

 

Тууз нь 2 талын зах хэсгээрээ наалддаг бөгөөд нэг талыг нь ханын дотор талд нөгөө талыг нь цонхныхоо жаазанд нааж өгдөг. Ингэснээр ус чийг хана цонхны уулзвар хэсгээр дотроосоо нэвтрэхгүй болно.

Цонхны жаазны дээд ба хажуу хэсгүүдэд туузыг тасралтгүйгээр нааж өгнө. Энэ бүхний дараа бэлдсэн суулгалтын хүрээнд цонхоо байршуулна.

 

9. Цонхыг суулгалтын хүрээнд байрлуулах

Профиль нь цонхонд гадна ба дотор тавцан суулгах, дулаалга хөөс хийх нөхцлийг бүрдүүлж өгдөг.

Цонхны доод хэсгийн зориулалтын ховилд суулгалтын профилийг хийж өгснөөр нээлхийд цонх суурилуулах бэлтгэл ажил дуусна.

Барилгын үндсэн хананд туузны хуулгыг авч наана. Энэ нь цонхны завсар хэсгээр ус орж үндсэн ханыг гэмтээх нөхцлөөс хамгаалдаг. \

Барилгын үндсэн хананд зориулалтын металл бэхлэгчээр эрэгт хадаас ашиглан бэхэлж өгснөөр цонх хөдөлгөөнгүй сууна.

Энэ бүхний дараа гадна болон дотор тавцанг суулгаж арчиж цэвэрлэснээр цонх суулгах ажил дуусгавар болно.

Сэтгэгдэл